حکومت پی ٹی آئی سے مذاکرات کیلئے پہل نہیں کرے گی:عرفان صدیقی

 مذاکرات کی دعوت دینے کا موسم تمام ہوگیا، مذاکرا تی دروازہ کھلا رہنے کا مطلب دعوت دینا نہیں
 اسلام آباد (آن لائن) مسلم لیگ (ن) کے سینیٹرعرفان صدیقی نے کہا ہے  مذاکرات کی دعوت دینے کا موسم تمام ہوگیا، اب حکومت مذاکرات کے لیے پہل نہیں کرے گی۔   میڈیا سے گفتگو کرتے ہوے انہوں نے   حکومت کی جانب سے واضح پالیسی کا اعلان کرتے  ہوئے کہا کہ مذاکرات کی دعوت دینے کا موسم تمام ہوگیا، اب پی ٹی آئی کو مذاکرات کی کوئی دعوت نہیں دیں گے۔انہوں نے کہا کہ مذاکرات کا دروازہ کھلا رہنے کا مطلب دعوت دینا نہیں اور مذاکرات کا دروازہ بند نہ کرنے کا بھی یہ مطلب نہیں کہ ہم ان کا انتظار کررہے ہیں۔ انہوں نے کہا کہ اب پی ٹی آئی پر منحصر ہے کہ وہ کب سنجیدہ اور نتیجہ خیز مذاکرات چاہتی ہے