نوجوان ملک کی طاقت، ترقی کی ضمانت ہیں: یوسف رضا گیلانی

  تعلیم اور ٹیکنالوجی سے نوجوان ملکی ترقی میں کلیدی کردار ادا کر سکتے ہیں:چیئرمین سینیٹ
اسلام آباد(آن لائن)چیئرمین سینیٹ یوسف رضا گیلانی نے کہا ہے کہ نوجوان قوم کا روشن مستقبل ہیں‘نوجوان ملک کی سب سے بڑی طاقت اور ترقی کی ضمانت ہیں‘تعلیم اور ٹیکنالوجی سے نوجوان ملکی ترقی میں کلیدی کردار ادا کر سکتے ہیں۔ نوجوانوں کے عالمی دن پر خصوصی پیغام میں چیئرمین سینیٹ یوسف رضا گیلانی نے کہا کہ نوجوان قوم کا روشن مستقبل ہیں۔پاکستان کی 60 فیصد آبادی نوجوانوں پر مشتمل ہے۔سید یوسف رضا گیلانی نے کہا کہ نوجوان ملک کی سب سے بڑی طاقت اور ترقی کی ضمانت ہیں۔تعلیم اور ٹیکنالوجی سے نوجوان ملکی  ترقی میں کلیدی کردار ادا کر سکتے ہیں۔پاکستانی نوجوانوں نے دنیا بھر میں ملک کا نام روشن کیا ہے۔نوجوان قائداعظم محمد علی جناح اور علامہ اقبال کے ویژن کو رہنما بنائیں۔ نوجوانوں کو بااختیار بنانا قومی ذمہ داری ہے۔ نوجوانوں کی تخلیقی صلاحیتیں پاکستان کے تابناک مستقبل کی ضمانت ہیں۔