ویب ڈیسک:امریکی صدارتی انتخابات میں ڈونلڈ ٹرمپ کی جیت کے بعد بٹ کوائن کی قیمت میں تیزی سے اضافہ ہوا ہے، جو پہلی بار 80 ہزار ڈالر سے بڑھ کر 89 ہزار 637 ڈالر کی بلند ترین سطح پر پہنچ گئی۔ گزشتہ روز بٹ کوائن کی قیمت 85 ہزار ڈالر تھی، جبکہ آج یہ 90 ہزار ڈالر کے قریب پہنچ چکی ہے۔
ماہرین کا کہنا ہے کہ اس قیمت میں اضافے کی وجہ ٹرمپ کا کرپٹو کرنسی کے حق میں موقف ہے، جس کی وجہ سے سرمایہ کاروں کو یہ امید ہے کہ ٹرمپ انتظامیہ کرپٹو کرنسی کی صنعت کی حمایت کرے گی۔ بٹ کوائن کی قیمت میں مزید اضافے کا امکان ہے، اور رواں سال اب تک بٹ کوائن کی قدر میں 80 فیصد اضافہ ہو چکا ہے۔ 2024 کے آخر تک یہ کرنسی ایک لاکھ ڈالر تک پہنچ سکتی ہے۔ اس کے علاوہ، دیگر کرپٹو کرنسیز، بشمول ڈاج کوائن، جو ایلون مسک کے ذریعے پروموٹ کیا گیا ہے، کی قیمتوں میں بھی اضافہ دیکھا جا رہا ہے۔
