امریکا کی ٹرمپ انتظامیہ کے مطابق ایران کے خلاف جاری جنگ کے ابتدائی چھ دنوں میں امریکی حکومت نے کم از کم 11.3 ارب ڈالر خرچ کیے۔
یہ معلومات کانگریس میں ہونے والے ایک بند دروازوں کے اجلاس میں سینیٹرز کو فراہم کی گئیں، جہاں جنگی اخراجات کی تفصیلات طلب کی گئی تھیں۔ذرائع کے مطابق یہ رقم مکمل جنگی لاگت کی نمائندگی نہیں کرتی بلکہ صرف ابتدائی چھ دنوں کے اخراجات پر مشتمل ایک ابتدائی رپورٹ ہے۔ انتظامیہ نے اب تک جنگ کی مجموعی لاگت یا اس کے ممکنہ اختتام کے بارے میں کوئی واضح تفصیلات عوام کے سامنے نہیں رکھی ہیں۔دوسری جانب امریکی صدر ڈونلڈ ٹرمپ نے ریاست کیئنٹکی کے دورے کے دوران کہا کہ امریکا نے جنگ میں اہم کامیابیاں حاصل کی ہیں، تاہم مکمل کارروائی ختم ہونے تک امریکی افواج لڑائی جاری رکھیں گی۔ماہرین کے مطابق جنگی اخراجات میں فوجی کارروائیاں، اسلحہ، میزائل دفاعی نظام، فضائی آپریشنز اور لاجسٹک سپورٹ جیسے عوامل شامل ہوتے ہیں، جس کے باعث اخراجات تیزی سے بڑھ سکتے ہیں۔
