سینیٹر اعجاز چودھری کا پروڈکشن آرڈرز جاری کرنے کے لیے عدالت سے رجوع

    اسلام آباد(یواین پی)پی ٹی آئی سینیٹر اعجاز احمد چودھری نے سینیٹ اجلاس میں شرکت کے لیے پروڈکشن آرڈرز جاری کرنے کے لیے اسلام آباد ہائی کورٹ سے رجوع کر لیا۔ہائیکورٹ میں درخواست بابر اعوان ایڈووکیٹ کے ذریعے دائر کی گئی۔اعجاز چودھری نے درخواست میں استدعا کی کہ ہر سینیٹ اجلاس اور پارلیمنٹ کے مشترکہ اجلاس میں شرکت کا حکم دیا جائے۔درخواست میں وفاق بذریعہ وزارت داخلہ اور سیکرٹری سینیٹ کو فریق بنایا گیا جبکہ آئی جی جیل خانہ جات پنجاب، سپرنٹنڈنٹ لاہور جیل اور آئی جی اسلام آباد بھی فریق بنائے گئے۔