ویڈا اور ماس ٹرانزٹ اتھارٹی میں اتفاق،میٹرو بس بندش کا خطرہ ٹل گیا

 میٹرو بس سروس بحال رہے گی ‘ وپڈا کے مالی ودیگر مطالبات پربات چیت جاری ہے:عزیر شاہ
لاہور(آ ن لائن) لاہور میٹرو بس سروس بند ہونے کا خطرہ ٹل گیا، آپریٹر کمپنی ویڈا اور پنجاب ماس ٹرانزٹ اتھارٹی کے درمیان سروس بحال رکھنے پر اتفاق ہوگیا۔جنرل منیجر آپریشنز ماس ٹرانزٹ اتھارٹی عزیرشاہ کے مطابق ویڈا کے مطالبات پر سنجیدگی سے غور کیا جا رہا ہے اورمعاملات طے کرنے کے لیے مذاکرات جاری ہیں۔عزیر شاہ نے کہا کہ میٹرو بس سروس بحال رہے گی اور وپڈا کے مالی ودیگر مطالبات پربات چیت جاری ہے، ویڈا اور ماس ٹرانزٹ اتھارٹی کے درمیان دوبارہ مذاکرات ہوں گے، جن میں کمپنی کے مطالبات کے حل پر پیشرفت متوقع ہے۔