جوائنٹ چیفس آف سٹاف جنرل ساحر شمشاد مرزا کو اہم اعزاز سے نوازا گیا

سعودی مسلح افواج کے چیف آف جنرل سٹاف جنرل فیاض الحامد الرویلی سے ملاقات کی 
اسلام آباد(مانیٹرنگ ڈیسک)چیئرمین جوائنٹ چیفس آف سٹاف کمیٹی جنرل ساحر شمشاد مرزا کو سعودی عرب کی جانب سے’’کنگ عبدالعزیز میڈل آف آنر (ایکسیلنٹ کلاس)‘‘ سے نوازا گیا۔ پاک فوج کے شعبہ تعلقات عامہ کی جانب سے جاری بیان کے مطابق جنرل ساحر شمشاد مرزا نے سعودی عرب کا سرکاری دورہ کیا ،چیئرمین جوائنٹ چیفس آف سٹاف کمیٹی نیسعودی مسلح افواج کے چیف آف جنرل سٹاف جنرل فیاض الحامد الرویلی سے ملاقات کی ،ملاقات میں عالمی و علاقائی صورتحال اور دفاعی تعاون کے فروغ پر تبادلہ خیال کیا گیا،پاکستان اور سعودی عرب کے درمیان دفاعی شراکت کے فروغ کے عزم کا اظہارکیا گیا۔ بیان میں کہاگیا ہے کہ سعودی عرب کی جانب سے جنرل ساحر شمشاد مرزا کو پاکستان سعودی عسکری تعلقات کے فروغ میں نمایاں خدمات کے اعتراف میں’’کنگ عبدالعزیز میڈل آف آنر (ایکسیلنٹ کلاس)‘‘سے نوازا گیا،سعودی عسکری قیادت نے پاکستان کی مسلح افواج کے پیشہ ورانہ کردار کو سراہا۔ سعودی قیادت نے دہشتگردی کے خلاف جنگ میں پاکستان کی قربانیوں کو خراجِ تحسین پیش کیا۔