پاکستانی میزبان اور اداکارہ نادیہ خان نے اپنے کیریئر کے ابتدائی دور اور اداکاری میں قدم رکھنے کے حوالے سے دلچسپ انکشافات کیے ہیں۔
انہوں نے بتایا کہ معروف ڈرامہ نگار حسینہ معین نے انہیں اس وقت منتخب کیا جب وہ اپنی شکل و صورت کو زیادہ اہمیت نہیں دیتی تھیں، اور وہ خود کو خوبصورت نہیں سمجھتی تھیں۔ کالج کے زمانے میں ان کی کم عمر اور سادہ طبیعت کے سبب ساتھی طالبات انہیں اکثر کسی ہیرو کے والد یا بھائی کے کردار کے لیے بھی مناسب نہیں سمجھتی تھیں، مگر انہوں نے محنت سے اپنا مقام بنایا۔نادیہ خان نے اپنے پہلے اداکاری کے تجربے کا بھی ذکر کیا کہ جب انہوں نے عدنان صدیقی کے ساتھ کام شروع کیا تو انہیں ان کی کم عمر اور ناتجربہ کاری کا سامنا تھا۔ ایک شوٹ کے دوران گھر سے دور ہونے کی وجہ سے انہیں گھبراہٹ ہوئی اور رونا شروع کر دیا، جس پر پروڈیوسر نے وعدہ کیا کہ اگر وہ رونا بند کر دیں تو ہر 30 منٹ بعد انہیں آئس کریم اور جوس دیا جائے گا۔ عدنان صدیقی نے بھی ان کی کم عمری پر حیرت کا اظہار کیا۔ نادیہ خان کا کہنا ہے کہ یہ سب تجربات ان کے سفر میں اہم ثابت ہوئے اور آج وہ پاکستان کی معروف ٹی وی میزبان اور اداکارہ ہیں۔
