یوکرین نے روس کے تاتارستان کے شہر نزنیکمسک پر تازہ ڈرون حملے کیے ہیں، جس کے نتیجے میں کم از کم 12 افراد ہلاک اور متعدد زخمی ہوگئے ہیں۔
روس کے سرکاری میڈیا کے مطابق، یہ حملہ صنعتی اور شہری اہداف کو نشانہ بناتے ہوئے کیا گیا ہے۔ شہر کے میئر رادمیر بیلیایف نے ٹیلی گرام پر جاری بیان میں بتایا کہ حملے میں مختلف صنعتی اور شہری مقامات کو نشانہ بنایا گیا ہے، جن میں سے ایک اہم ہدف روس کی سب سے ترقی یافتہ آئل ریفائنری بھی شامل ہے۔حملے کے بعد سوشل میڈیا پر غیر تصدیق شدہ ویڈیوز میں آئل ریفائنری کے اوپر سے دھواں بلند ہوتا دکھایا گیا ہے، تاہم رائٹرز اس فوٹیج کی آزادانہ تصدیق کرنے سے قاصر ہے۔ یہ ریفائنری، ٹینیکو ریفائنری، جون کے اوائل میں یوکرائن کی جانب سے حملوں کا نشانہ بنی تھی اور 2024 میں 17 ملین ٹن خام تیل کی پیداوار کی توقع ہے، جس سے 2.7 ملین ٹن پٹرول اور 8.5 ملین ٹن ڈیزل ایندھن تیار ہوتا ہے۔ حملے کے نتیجے میں صنعتی اداروں کو نقصان پہنچا ہے اور علاقہ میں کشیدگی میں اضافہ ہوا ہے۔
