یومِ دفاع اور بارہ ربیع الاول کے موقع پر گورنر سندھ کی مزارِ قائد پر حاضری

ملک کا دفاع مضبوط ہاتھوں میں ،ہم شہداء کے اہلِ خانہ سے اظہارِ یکجہتی کرتے ہیں 
کراچی (آئی این پی )گورنر سندھ کامران خان ٹیسوری نے کہا کہ یومِ دفاع ہمیں شہداء کی لازوال قربانیوں کی یاد دلاتا ہے۔ ہمیں اپنے شہداء پر فخر ہے اور ان کے اہلِ خانہ کے ساتھ
 کھڑے ہیں۔ ہماری افواج دشمن کے ناپاک عزائم کو خاک میں ملانے کی بھرپور صلاحیت رکھتی ہیں۔ان خیالات کا اظہار انہوں نے یومِ دفاع کے موقع پر مزارِ قائد پر حاضری کے بعد میڈیا سے گفتگو کرتے ہوئے کیا۔ قبل ازیں گورنر سندھ نے یومِ دفاع کے موقع پر مزارِ قائد پر حاضری دی، جہاں انہوں نے پھولوں کی چادر چڑھائی، فاتحہ خوانی کی اور مہمانوں کی کتاب میں اپنے تاثرات قلم بند کیے۔ اس موقع پر قائدِ حزبِ اختلاف علی خورشیدی اور ایم کیو ایم کے ارکانِ اسمبلی بھی ان کے ہمراہ تھے۔ انہوں نے مزید کہا کہ آج ہمیں معرکہ حق کے بعد معرکہ معیشت کا سامنا ہے، گورنر سندھ نے بھارتی سرکار کی آبی جارحیت کی مذمت کرتے ہوئے کہا کہ ہماری قوم باہمت اور حوصلہ مند ہے، بھارت ہماری ترقی نہیں چاہتا، مگر وہ ہمارے حوصلے کو پست نہیں کر سکتا۔ انہوں نے اس عزم کا اظہار کیا کہ پاکستان آئی ٹی سمیت ہر میدان میں بھارت کو شکست دے گا۔ آپریشن بنیان المرصوص میں افواجِ پاکستان کے ساتھ میڈیا نے بھی شاندار کردار ادا کیا