ویب ڈیسک:گیانا کے صدر عرفان علی نے ملک کے تمام بالغ شہریوں کے لیے 100,000 ڈالرز نقد گرانٹ دینے کا اعلان کیا ہے۔
یہ فیصلہ پہلے اعلان کردہ ہر گھر کے لیے 200,000 ڈالرز کی گرانٹ کی تجویز کو ترک کرنے کے بعد کیا گیا، تاکہ ممکنہ تنازعات اور انتظامی مشکلات کو کم کیا جا سکے۔ صدر نے بیان میں کہا کہ اس نئی اسکیم کا مقصد نوجوان پیشہ ور افراد کو فائدہ پہنچانا ہے، جنہیں گھریلو ذمہ داریوں کے باعث سابقہ تجویز سے فائدہ نہیں ہو رہا تھا۔یہ گرانٹ یکم جنوری 2024 تک 18 سال یا اس سے زیادہ عمر کے ہر شہری کو فراہم کی جائے گی، جس کا مقصد گیانا کے شہریوں کو تیل کی صنعت سے حاصل ہونے والی دولت سے براہ راست فائدہ پہنچانا ہے۔
