جنوبی لبنان میں اسرائیلی ٹھکانوں کو ابابیل ڈرونز سے نشانہ بنایا ہے، حزب اللہ

بیروت(آئی این پی )لبنانی تنظیم حزب اللہ نے کہا ہے کہ اس نے ابابیل ڈرونز کا استعمال کرتے ہوئے جنوبی لبنان کے شہر ناقورہ میں اسرائیلی فوج کے ایک کمانڈ ہیڈ کوارٹر کو نشانہ بنایا۔عالمی میڈیارپورٹ کے مطابق ایک بیان میں حزب اللہ نے یہ بھی دعوی کیا کہ اس کی فورسز نے حداثا شہر کے جنوبی نواح میں اسرائیلی فوجیوں کے ایک اجتماع کو دو ڈرونز کے ذریعے اور بیوفورٹ قلعے کے قریب راکٹ اور توپ خانے کی گولہ باری سے نشانہ بنایا۔گذشتہ شب اسرائیلی فوج نے کہا تھا کہ اس نے 48 گھنٹوں کے دوران جنوبی لبنان میں 150 حملے کیے اور ان حملوں میں حزب اللہ کے ٹھکانوں کو نشانہ بنایا گیا۔