گیمبیا کے ساحل کے قریب ایک تارکین وطن کی کشتی الٹنے کے واقعے میں 39 افراد ہلاک اور 112 افراد کو بچا لیا گیا ہے۔
محکمہ دفاع گیمبیا کے مطابق یہ کشتی یورپ جانے والے تارکین وطن کو لے جا رہی تھی اور اس میں 200 سے زائد افراد سوار تھے۔ حکام نے بتایا کہ کشتی خستہ حالت میں تھی اور اس میں افراد کی تعداد حد سے زیادہ تھی، جس کی وجہ سے حادثہ پیش آیا۔مسافروں کے مطابق زیادہ رش اور کشتی کی غیر محفوظ حالت نے حادثے کو جنم دیا۔ بچائے گئے افراد کو فوری طور پر قریبی ساحل پر منتقل کر کے طبی امداد فراہم کی گئی ہے، جبکہ حکام مزید بچاؤ اور تحقیقات کے لیے کوششیں جاری رکھے ہوئے ہیں۔یہ واقعہ افریقی ساحلی ممالک سے یورپ جانے والے غیر قانونی مہاجرین کے خطرناک سفر کی ایک اور مثال ہے، جہاں خستہ حال کشتیوں اور انسانی اسمگلنگ کے خطرات نمایاں ہیں۔
