متحدہ قومی موومنٹ (ایم کیو ایم) پاکستان کے چیئرمین خالد مقبول صدیقی نے تمام تنظیمی اور پالیسی امور کی نگرانی خود کرنے کا فیصلہ کر لیا ہے، جس کے تحت ایک نوٹیفکیشن جاری کر دیا گیا ہے۔
تنظیمی عہدوں کی تقسیم
خالد مقبول صدیقی کی ہدایت پر جاری نوٹیفکیشن کے مطابق:
سینٹرل آرگنائزنگ کمیٹی کی ذمے داری فاروق ستار، انیس قائم خانی اور امین الحق کے پاس ہو گی۔
تنظیمی کمیٹی کے امور انیس قائم خانی، امین الحق اور رضوان بابر سنبھالیں گے۔
لیبر ڈویژن کی نگرانی مصطفیٰ کمال، فیصل سبزواری اور رضوان بابر کریں گے۔
شعبہ خواتین کے معاملات نسرین جلیل، انیس قائم خانی اور کیف الوریٰ دیکھیں گے۔
یوتھ فورم کی ذمے داری فاروق ستار، مصطفیٰ کمال اور فیصل سبزواری کو دی گئی ہے۔
سوشل میڈیا ٹیم کی قیادت مصطفیٰ کمال اور فاروق ستار کریں گے۔
بزنس فورم کے معاملات مصطفیٰ کمال، فاروق ستار اور فیصل سبزواری دیکھیں گے۔
اے پی ایم ایس او (آل پاکستان متحدہ اسٹوڈنٹس آرگنائزیشن) کے امور امین الحق اور فیصل سبزواری سنبھالیں گے۔
ترقیاتی پیکیج کے لیے ڈیولپمنٹ کمیٹی میں مصطفیٰ کمال، فاروق ستار، نسرین جلیل اور فیصل سبزواری شامل ہوں گے۔
فاروق ستار کی تصدیق
ایم کیو ایم پاکستان کے سینئر رہنما فاروق ستار نے جیو نیوز سے گفتگو میں کہا کہ خالد مقبول صدیقی کی جانب سے جاری کردہ سرکلر بالکل درست اور تصدیق شدہ ہے۔انہوں نے وضاحت کی کہ یہ فیصلہ مرکزی کمیٹی کے 11 اراکین کے اتفاقِ رائے سے کیا گیا ہے اور جو بھی اعتراض رکھتا ہے، وہ اسے پارٹی کے اندر رہ کر ہی کرے۔
