بالی ووڈ اداکارہ زرین خان کی والدہ پروین خان طویل علالت کے بعد ممبئی میں انتقال کر گئیں۔ اہل خانہ نے مختصر بیان جاری کرتے ہوئے تصدیق کی کہ پروین خان پُرسکون انداز میں اپنے خالق حقیقی سے جا ملیں۔
ذرائع کے مطابق نماز جنازہ آج ورسوا، ممبئی میں ادا کی جائے گی۔ اداکارہ زرین خان اپنی والدہ کی صحت سے متعلق مداحوں کو باقاعدگی سے آگاہ کرتی رہیں اور فروری میں انسٹاگرام پر بتایا تھا کہ ان کی والدہ دوبارہ اسپتال میں داخل ہیں۔زرین خان نے اپنی والدہ کی صحت یابی کے لیے مداحوں اور خیرخواہوں سے دعاؤں کی درخواست بھی کی تھی۔ واضح رہے کہ پروین خان کے انتقال سے ایک روز قبل زرین خان اپنی پالتو بلی کے انتقال کا بھی صدمہ جھیل چکی تھیں، جس پر انہوں نے انسٹاگرام اسٹوری میں اظہارِ افسوس کیا تھا۔یہ خبر زرین خان کے خاندان اور مداحوں کے لیے انتہائی صدمہ انگیز ہے، اور اس موقع پر دعائے مغفرت اور صبر کی ضرورت ہے۔
دعائے مغفرت:
"اللہ تعالیٰ پروین خان کو جنت الفردوس میں اعلیٰ مقام عطا فرمائے، ان کے درجات بلند کرے اور اہل خانہ کو صبر جمیل عطا کرے۔ آمین۔"
