اسلام آباد:بھارت کی جانب سے آج شب پاکستان کی شہری آبادی اور مساجد پر بزدلانہ میزائل حملے کیے گئے، جن کے نتیجے میں 8 پاکستانی شہید، 35 زخمی اور 2 شہری لاپتہ ہو گئے ہیں۔
پاکستانی فوج نے بھارتی حملوں کو "بلااشتعال اور بزدلانہ جارحیت" قرار دیا ہے۔آج رات لیفٹیننٹ جنرل احمد شریف چوہدری نے ہنگامی نیوز بریفنگ میں تفصیلات بتاتے ہوئے کہا کہ چھ مقامات پر مجموعی طور پر 24 حملے کیے گئے جن میں عام شہریوں، خواتین، بچوں اور مساجد کو نشانہ بنایا گیا۔
اہم مقامات اور نقصانات:
1. احمد پور شرقیہ:
مسجد سبحان پر چار میزائل حملے۔
5 شہادتیں جن میں:
2 مرد
2 خواتین
1 تین سالہ معصوم بچی
31 زخمی، جن میں 6 خواتین شامل۔
مسجد مکمل طور پر شہید۔
2. مظفر آباد:
مسجد بلال کو نشانہ بنایا گیا۔
7 حملے، ایک بچی زخمی۔
مسجد شہید کر دی گئی۔
3. کوٹلی:
مسجد عباس پر حملہ۔
2 شہادتیں (ایک کمسن بچی اور 18 سالہ لڑکا)۔
ایک ماں اور اس کی بچی زخمی۔
4. مریدکے:
مسجد ام القرا پر چار حملے۔
مسجد تباہ، 2 شہری زخمی، جن میں ایک خاتون شامل۔
2 افراد لاپتہ — ملبے تلے دبنے کا خدشہ۔
نزدیکی غریب آبادی کے رہائشی کوارٹرز کو شدید نقصان۔
5. سیالکوٹ (کوٹلی لوہاراں):
2 میزائل حملے، ایک گولہ نہیں پھٹا۔
کوئی جانی نقصان نہیں ہوا۔
6. شکر گڑھ:
2 حملے، ایک مقامی ڈسپنسری کو نقصان۔
کوئی جانی نقصان نہیں۔
بھارتی میڈیا کی فیک نیوز کا پول کھل گیا:
جنرل احمد شریف نے بھارتی میڈیا کی اس فیک نیوز کی بھی تردید کی جس میں پاکستان کے F-16 طیارے کو مار گرانے کا دعویٰ کیا گیا۔ انہوں نے واضح کیا کہ آج پاکستان کے کسی ائیر بیس سے کوئی F-16 طیارہ پرواز نہیں کر رہا تھا۔
عالمی میڈیا کو تمام مقامات پر لے جایا جائے گا:
جنرل احمد شریف نے اعلان کیا کہ:
"آج صبح بین الاقوامی میڈیا کو ان تمام متاثرہ علاقوں بشمول مریدکے، بہاولپور، احمد پور شرقیہ، مظفر آباد اور کوٹلی لے جایا جائے گا تاکہ بھارت کی ننگی جارحیت کا عالمی سطح پر پردہ فاش کیا جا سکے۔"
انہوں نے مزید کہا:
"پاکستان نے ہمیشہ دشمن کے بلااشتعال حملوں کا مؤثر جواب دیا ہے، اور آئندہ بھی دے گا۔"
پس منظر:
یہ حملے ایک ایسے وقت پر کیے گئے ہیں جب پاکستان عالمی سطح پر بھارتی جارحیت کو بے نقاب کر رہا ہے۔ کل ہی بین الاقوامی میڈیا کو لائن آف کنٹرول (LOC) کا دورہ کرایا گیا تھا تاکہ بھارتی جھوٹے الزامات کی حقیقت سامنے لائی جا سکے۔ پاکستانی عوام، سیاسی قیادت اور افواج پاکستان اس صورتحال میں متحد نظر آ رہے ہیں، جبکہ بھارت کے اس بزدلانہ حملے کے خلاف عالمی سطح پر آواز بلند کیے جانے کی توقع ہے۔
