چین نے امریکا کو خبردار کیا ہے کہ تائیوان کو اسلحے کی فروخت سے امریکی صدر ڈونلڈ ٹرمپ کا متوقع دورہ بیجنگ خطرے میں پڑ سکتا ہے۔
تفصیلات کے مطابق امریکا نے تقریباً 20 ارب ڈالر مالیت کا اسلحہ تائیوان کو بیچنے کا منصوبہ بنایا ہے، جس میں اہم دفاعی نظام شامل ہیں۔چین نے اس اقدام پر سخت ردعمل ظاہر کرتے ہوئے کہا ہے کہ یہ فروخت بیجنگ-واشنگٹن تعلقات میں سنجیدہ رکاوٹ بن سکتی ہے، خاص طور پر صدر ٹرمپ کے اپریل میں بیجنگ دورے کے تناظر میں۔ بیجنگ نے واضح کیا کہ امریکا کو تائیوان کے حوالے سے احتیاط سے کام لینا ہوگا، ورنہ دوطرفہ تعلقات میں مشکلات پیدا ہو سکتی ہیں۔چین کے صدر شی جن پنگ نے امریکی صدر ٹرمپ کو فون پر خبردار کیا کہ اسلحے کی فروخت جیسے اقدامات تعلقات پر منفی اثر ڈال سکتے ہیں۔ بیجنگ کا کہنا ہے کہ تائیوان چین کا حصہ ہے اور کسی بھی غیر ملکی اسلحے کی فروخت کو چین امن اور خودمختاری کے لیے خطرہ سمجھتا ہے۔
