شادی کے فوٹو شوٹ کا مقام ڈی چوک نہیںاسلام آباد کے ایران ایونیو کا مقام تھا:کنٹینر فوٹو شوٹ کروانے والے میاں بیوی

  اسلام آباد (آئی این پی )اسلام آباد میں گذشتہ ماہ ہونے والے احتجاج اور راستوں کی بندش کے دوران ایک نئے شادی شدہ جوڑے کا منفرد فوٹو شوٹ سوشل میڈیا پر کافی وائرل ہوا تھا جس پر لوگوں نے مختلف تبصرے بھی کیے تھے۔جوڑے نے فوٹو شوٹ کے لیے خوبصورت مقامات کے بجائے احتجاجی کنٹینرز کے سامنے فوٹو شوٹ کیا، جس نے سوشل میڈیا پر لوگوں کی توجہ حاصل کی تھی۔دونوں میاں بیوی نے نجی ٹی وی کے  پروگرام میں شرکت کی ۔قاسم  (دلہا ) نے  بتایا کہ  جہاں ان کا شادی کا فوٹو شوٹ ہوا وہ ڈی چوک نہیں تھا کہ بلکہ وہ جگہ اسلام آباد کے ایران ایونیو کا مقام تھا۔انہوں نے بتایا کہ جس جگہ کنٹینرز موجود تھے وہ ڈی چوک کے کنٹینرز نہیں تھے اور نہ وہاں کوئی سکیورٹی موجود تھی۔تصویر وائرل ہونے کے سوال پر جوڑے نے بتایا کہ دونوں طرف کے اہلخانہ بہت خوش تھے۔خاتون نے بتایا کہ ان کا آئوٹ ڈور ایونٹ تھا اور فوٹو شوٹ کے لیے کسی وینیو کا فیصلہ نہیں ہو پارہا تھا جس کے بعد ہم نے یادگار کے طور پر کنٹینرز کے سامنے تصاویر بنوانے کا فیصلہ کیا۔ اور وہ ہمارے لیے بہت خاص لمحہ بن گیا۔