رمضان پیکج کے تحت رقم کی ادائیگی پر بھی ٹیکس وصولی کا انکشاف

ڈی سی لاہورنے موبائل بینکنگ مالکان اور کمرشل بینک مینجرز کو کٹوتی نہ کرنے کی ہدایت کردی
لاہور(آئی این پی)رمضان پیکج کے تحت رقم کی ادائیگی پر ایک ہزار بطور ٹیکس کٹوتی کے معاملے پر ڈی سی لاہور نے موبائل بینکنگ مالکان اور کمرشل بینک مینجرز کو کٹوتی نہ کرنے کی ہدایت کر دی۔ڈی سی لاہور سید موسیٰ رضا کی زیر صدارت مختلف بینکوں کے مالکان و نمائندگان کے ساتھ اہم اجلاس ہوا ۔ ڈی سی لاہور کو موبائل بینکنگ مالکان و کمرشل بینک مینجرز سے شہریوں کو رقم کی ادائیگی و ٹیکس کٹوتی سے متعلق بریفنگ دی گئی۔رقم کی ادائیگی کے وقت ایک ہزار روپے بطورِ ٹیکس کاٹنے پر ڈی سی لاہور نے اظہارِ ناراضگی کیا ۔ ڈی سی لاہورکا کہنا تھا کہ رمضان پیکج کی تمام ادائیگیوں پر ٹیکس لاگو نہیں ہو گا ۔ شہری رمضان المبارک میں رمضان پیکج پر ٹیکس کی ادائیگی سے مستثنیٰ ہوں گے۔ رمضان المبارک میں شہریوں کو مکمل سہولیات فراہم کی جائیں گی