پریٹوریا، جنوبی افریقہ میں گزشتہ رات ایک ہولناک مسلح حملہ پیش آیا جس میں 3 سالہ بچے سمیت کم از کم 10 افراد ہلاک ہو گئے۔
تفصیلات کے مطابق نامعلوم مسلح افراد نے ایک ہاسٹل پر دھاوا بول دیا اور فائرنگ کا سلسلہ شروع کر دیا۔ اس دوران 25 افراد زخمی ہوئے، جن میں سے 14 کو فوری طور پر قریبی اسپتال منتقل کیا گیا۔حکام کے مطابق حملے کی نوعیت اور محرکات ابھی تک معلوم نہیں ہو سکے، اور پولیس نے علاقے میں سیکیورٹی سخت کر دی ہے۔ حملہ آوروں کی تلاش کے لیے مختلف مقامات پر چھاپے مارے جا رہے ہیں۔بین الاقوامی میڈیا کے مطابق واقعے کے بعد پریٹوریا میں خوف و ہراس پھیل گیا، اور حکام نے متاثرین کے اہل خانہ کو سہارا دینے اور زخمیوں کے علاج کے لیے ہنگامی اقدامات شروع کر دیے ہیں۔یہ واقعہ جنوبی افریقہ میں بڑھتے ہوئے مسلح جرائم کے رجحان کی طرف بھی خبردار کرتا ہے، جہاں شہری علاقوں میں ہاسٹلز اور عوامی مقامات پر حملوں کی وارداتیں بڑھ رہی ہیں۔
