ویب ڈیسک کے مطابق، پاکستان تحریک انصاف (پی ٹی آئی) کے مرکزی رہنما عمر ایوب اور سینیٹر شبلی فراز نے الیکشن کمیشن کی جانب سے انہیں ڈی نوٹیفائی کرنے کے فیصلے کو چیلنج کرنے کے لیے پشاور ہائیکورٹ سے رجوع کیا ہے۔
دونوں رہنماؤں کی جانب سے دائر کردہ درخواست میں مؤقف اپنایا گیا ہے کہ الیکشن کمیشن کا یہ فیصلہ غیر قانونی، غیر آئینی اور بدنیتی پر مبنی ہے۔درخواست میں استدعا کی گئی ہے کہ الیکشن کمیشن کے فیصلے کو کالعدم قرار دیا جائے۔ درخواست گزاروں کا کہنا ہے کہ الیکشن کمیشن نے انہیں سنے بغیر اور ان کے خلاف کارروائی کیے بغیر فیصلہ جاری کیا، جو کہ انصاف کے بنیادی اصولوں کے خلاف ہے۔ انہوں نے یہ بھی موقف اپنایا ہے کہ انہیں صفائی کا موقع دیئے بغیر فیصلہ سنایا گیا، جو کہ غیر قانونی عمل ہے۔ اس مقدمے کی سماعت پشاور ہائیکورٹ میں جاری ہے، اور دونوں رہنماؤں نے اپنے حق میں فیصلہ ہونے کی درخواست کی ہے۔
