اجے دیوگن کی دریشیم 3 نے پہلے ہی دن 113 کروڑ کما لیے

ممبئی (شوبز ڈیسک)بالی ووڈ اداکار اجے دیوگن کی فلم دریشیم 3 نے ریلیز کے پہلے ہی دن بھارتی باکس آفس پر شاندار بزنس کرتے ہوئے 113 کروڑ بھارتی روپے سے زیادہ کا مجموعی کاروبار کرلیا ہے۔ بھارتی میڈیا کے مطابق فلم نے پہلے دن ہی اجے دیوگن کے کیریئر کی سب سے بڑی اوپننگ کا ریکارڈ قائم کردیا۔ فلم کی کامیابی نے دریشیم فرنچائز کی مقبولیت کو بھی ایک بار پھر نمایاں کردیا ہے۔ دریشیم سیریز کی پہلی فلم 2015 میں ریلیز ہوئی تھی جبکہ دریشیم 2 نے 2022 میں سینما گھروں کا رخ کیا۔ تیسری فلم کی ابتدائی کامیابی نے گزشتہ دونوں فلموں کے مقابلے میں کاروبار میں نمایاں اضافہ ظاہر کیا ہے۔ فلم کے پہلے ویک اینڈ پر کاروبار میں مزید اضافے کی توقع ظاہر کی جارہی ہے، جبکہ بھارتی میڈیا رپورٹس کے مطابق فلم نے ریلیز کے ابتدائی دن ہی 113 کروڑ روپے کا ہندسہ عبور کرلیا۔