آسٹریلوی کرکٹر اسٹیو اسمتھ نے ون ڈے انٹرنیشنل کرکٹ سے ریٹائرمنٹ کا اعلان کر دیا ہے۔ کرکٹ آسٹریلیا کے مطابق، اسمتھ نے میچ کے بعد ساتھی کھلاڑیوں کو اپنی فوری ریٹائرمنٹ سے آگاہ کیا۔
ریٹائرمنٹ کی وجوہات اور مستقبل کے منصوبے
اسٹیو اسمتھ نے کہا کہ ون ڈے کرکٹ کا سفر ان کے لیے ناقابلِ یقین رہا اور وہ اس دوران حیرت انگیز لمحات اور کامیابیوں سے لطف اندوز ہوئے۔ ان کے مطابق، دو ورلڈ کپ جیتنا کیریئر کی سب سے بڑی کامیابی رہی ہے۔انہوں نے مزید کہا کہ اب نئے کھلاڑیوں کے لیے موقع ہے کہ وہ 2027ء کے ورلڈ کپ کی تیاری کریں۔ انہوں نے ٹیسٹ کرکٹ کو اپنی ترجیح قرار دیتے ہوئے ورلڈ ٹیسٹ چیمپئن شپ کے فائنل، ویسٹ انڈیز کے خلاف دورے اور انگلینڈ کے ساتھ ہوم سیریز کا ذکر کیا، جس میں وہ بھرپور کردار ادا کرنا چاہتے ہیں۔
کیریئر کی جھلکیاں
اسٹیو اسمتھ نے 2010ء میں لیگ اسپنر کی حیثیت سے انٹرنیشنل کرکٹ میں قدم رکھا۔انہوں نے 170 ون ڈے میچز میں 5800 رنز اسکور کیے۔کیریئر میں 12 سنچریاں اور 35 نصف سنچریاں بنائیں۔بطور باؤلر 28 وکٹیں بھی حاصل کیں۔
چیمپئنز ٹرافی میں قیادت
اسٹیو اسمتھ نے چیمپئنز ٹرافی 2025ء میں آسٹریلوی ٹیم کی قیادت کی، جہاں سیمی فائنل میں بھارت کے ہاتھوں شکست ہوئی۔
ٹیسٹ اور ٹی ٹوئنٹی کرکٹ کے لیے دستیاب
ریٹائرمنٹ کے باوجود اسٹیو اسمتھ ٹیسٹ اور ٹی ٹوئنٹی کرکٹ میں آسٹریلیا کے لیے دستیاب ہوں گے اور اپنی توجہ ان فارمیٹس پر مرکوز رکھیں گے۔
