سابق قومی کرکٹر شعیب ملک اور اداکارہ ثنا جاوید ایک بار پھر سوشل میڈیا پر خبروں کی زینت بن گئے ہیں، جہاں ان کی شادی کے حوالے سے افواہیں گردش کر رہی ہیں۔
حال ہی میں ایک وائرل ویڈیو میں دونوں کو ایک عوامی تقریب کے دوران الگ الگ بیٹھے اور کم بات چیت کرتے دیکھا گیا، جس کے بعد سوشل میڈیا صارفین نے طرح طرح کے تبصرے شروع کر دیے۔ متعدد پوسٹس میں “ایک اور بریک اپ راستے میں؟” جیسے کیپشنز سامنے آئے۔بھارتی میڈیا کی ایک رپورٹ میں دعویٰ کیا گیا ہے کہ دونوں کے تعلقات میں کشیدگی پائی جاتی ہے اور یہ رشتہ جلد اختتام کو پہنچ سکتا ہے۔ اس خبر نے انٹرنیٹ پر ان افواہوں کو مزید تقویت دی۔تاہم، اب تک نہ شعیب ملک اور نہ ہی ثنا جاوید کی جانب سے اس معاملے پر کوئی باضابطہ وضاحت یا ردعمل سامنے آیا ہے۔
دلچسپ بات یہ ہے کہ حال ہی میں دونوں نے انسٹاگرام پر علیحدہ علیحدہ تصاویر شیئر کیں جو بظاہر ایک ہی غیر ملکی سفر کے دوران لی گئی معلوم ہوتی ہیں۔ ان تصاویر میں جوڑی کو ہم آہنگ سیاہ اور سفید ملبوسات میں دیکھا گیا، جس سے یہ تاثر ملا کہ وہ ایک ساتھ وقت گزار رہے ہیں۔ان متضاد اشاروں نے مداحوں کو مزید کنفیوژ کر دیا ہے اور سوشل میڈیا پر بحث جاری ہے کہ آیا واقعی دونوں کے درمیان اختلافات موجود ہیں یا یہ صرف بے بنیاد افواہیں ہیں۔
