بالی ووڈ اداکارہ کیارا ایڈوانی کے اسپتال میں زیر علاج ہونے کی خبریں زیر گردش تھیں، جب وہ اپنی فلم "گیم چینجر" کی ممبئی میں ہونے والی پریس کانفرنس میں شریک نہیں ہو سکیں۔
اس موقع پر افواہیں شروع ہو گئیں کہ اداکارہ اسپتال میں داخل ہیں، تاہم ان کی ٹیم نے ان افواہوں کی تردید کی ہے۔کیارا ایڈوانی کی ٹیم نے ایک وضاحتی بیان جاری کیا جس میں کہا گیا کہ اداکارہ اسپتال میں زیر علاج نہیں ہیں۔ بیان کے مطابق، کیارا مسلسل کام کی وجہ سے تھکاوٹ کا شکار ہو گئی تھیں اور ڈاکٹروں نے انہیں مکمل آرام کا مشورہ دیا تھا۔ ٹیم نے یہ بھی واضح کیا کہ یہ صحت کی پیچیدگیوں کا معاملہ نہیں تھا بلکہ زیادہ محنت کی وجہ سے وہ تھکاوٹ کا شکار ہو گئی تھیں۔
کیارا ایڈوانی کو 10 جنوری کو اپنی فلم "گیم چینجر" کے لیے ممبئی میں ہونے والی پریس کانفرنس میں شرکت کرنی تھی، مگر وہ اس میں شریک نہیں ہو سکیں۔ اداکارہ کے اسپتال میں داخل ہونے کی خبریں اس وقت پھیلیں جب فلم کی تقریب کے میزبان نے یہ اطلاع دی کہ وہ اسپتال میں داخل ہو چکی ہیں، تاہم اس حوالے سے مزید تفصیلات نہیں فراہم کی گئیں۔
کیارا ایڈوانی کی ٹیم نے اس افواہ کو غلط قرار دیتے ہوئے ان کی صحت کے بارے میں تمام شکوک و شبہات کو دور کرنے کی کوشش کی ہے۔
