پاکستان میں سونے کی قیمت میں کمی دیکھنے کو ملی ہے۔
ملک بھر میں فی تولہ سونا 1200 روپے سستا ہو گیا ہے، جس کے بعد اس کی قیمت 2 لاکھ 75 ہزار 700 روپے فی تولہ تک پہنچ گئی ہے۔ اسی طرح 10 گرام سونے کی قیمت میں ایک ہزار 29 روپے کی کمی آئی ہے، اور اب 10 گرام سونا 2 لاکھ 36 ہزار 368 روپے کا ہو گیا ہے۔چاندی کی قیمت میں کوئی تبدیلی نہیں آئی اور 10 گرام چاندی کی قیمت 3310 روپے پر برقرار ہے۔ سونے کی قیمت میں کمی کے باوجود چاندی کی قیمت میں استحکام برقرار رہا ہے۔
سونے کی قیمتوں میں اتار چڑھاؤ عالمی مارکیٹ اور مقامی ڈیمانڈ کے مطابق ہوتا ہے، اور پاکستان میں یہ قیمتیں عالمی مارکیٹ کے اثرات کو مدنظر رکھتے ہوئے مختلف ہو سکتی ہیں۔
