جوسلین ولڈن اسٹائن، جنہیں "کیٹ وومن" کے لقب سے جانا جاتا تھا، 79 سال کی عمر میں انتقال کر گئیں۔
ان کے منگیتر لائیڈ کلین نے اس خبر کی تصدیق کی، اور بتایا کہ جوسلین 31 دسمبر 2024 کو اپنی رہائش گاہ پر نیند کے دوران انتقال کر گئیں۔ لائیڈ کلین نے کوشش کی کہ انہیں نیو ایئرز ایو ڈنر کے لیے جگا سکیں، مگر وہ انتقال کر چکی تھیں۔ ابتدائی رپورٹس کے مطابق، ان کا انتقال دل کی ناکامی (ہارٹ فیلئر) کے سبب ہوا۔جوسلین 1945 میں سوئٹزرلینڈ میں پیدا ہوئیں۔ انہوں نے آرٹ ڈیلر ایلک ولڈن اسٹائن سے شادی کی اور ان کے ساتھ دو بچے پیدا کیے۔ طلاق کے بعد، وہ نیویارک کی معروف سوشائٹ خواتین میں شامل ہو گئیں اور اپنی زندگی کی خوبصورتی اور تجمل کی وجہ سے مشہور ہو گئیں۔ ان کی طلاق کا معاہدہ، جس میں انہیں 2.5 بلین امریکی ڈالر ملے، تاریخ کے مہنگے ترین طلاق معاہدوں میں شمار ہوتا ہے۔
جوسلین کو "کیٹ وومن" کے لقب سے اس کی پلاسٹک سرجری کے باعث جانا جاتا تھا، جس کی مدد سے انہوں نے اپنی شکل میں نمایاں تبدیلیاں کی تھیں۔ ان کے انسٹاگرام پر ایک ملین سے زائد فالوورز تھے۔ تاہم، جوسلین ہمیشہ اس بات کی تردید کرتی رہیں کہ انہوں نے یہ سرجری اپنے شوہر کو خوش کرنے کے لیے کروائی تھی۔ان کے منگیتر لائیڈ کلین، جو جوسلین سے 21 سال چھوٹے تھے، نے انہیں اپنی بہترین دوست، ساتھی، اور منگیتر قرار دیا۔ انہوں نے کہا کہ جوسلین کا زندگی سے بھرپور رویہ اور شاندار حسِ مزاح ہمیشہ ان کی یادوں میں رہے گا۔
