کراچی: اسٹیٹ بینک آف پاکستان نے اعلان کیا ہے کہ یوم یکجہتی کشمیر کے موقع پر ملک بھر میں بینک اور مالیاتی ادارے 5 فروری بروز پیر مکمل طور پر بند رہیں گے۔
اسٹیٹ بینک کی جانب سے جاری کردہ سرکلر کے مطابق، اسٹیٹ بینک آف پاکستان، اسٹیٹ بینک بینکنگ سروسز آف پاکستان، تمام شیڈولڈ بینک، ترقیاتی مالیاتی ادارے (DFIs) اور مائیکرو فنانس بینک عام تعطیل کی وجہ سے بند رہیں گے۔سرکلر میں واضح کیا گیا ہے کہ اس دوران کسی قسم کا مالیاتی لین دین یا معاشی کاروبار نہیں ہوگا۔ عوام اور کاروباری حلقوں کو ہدایت دی گئی ہے کہ وہ اپنے بینکاری امور 5 فروری سے پہلے مکمل کرلیں تاکہ کسی قسم کی دشواری سے بچا جا سکے۔حکومت پاکستان ہر سال 5 فروری کو یوم یکجہتی کشمیر مناتی ہے، جس کا مقصد کشمیری عوام کے ساتھ اظہار یکجہتی کرنا اور ان کے حقِ خودارادیت کی حمایت کو اجاگر کرنا ہوتا ہے۔
