اسرائیلی فوج کی جانب سے غزہ میں سیز فائر معاہدے کی سنگین خلاف ورزیاں جاری ہیں، جس کے نتیجے میں ایک روز میں مزید 3 فلسطینی شہید ہو گئے ہیں۔
عرب میڈیا کے مطابق، اسرائیلی فوج نے مختلف علاقوں میں فلسطینیوں کو نشانہ بنایا ہے، جس کے بعد سے اب تک 236 فلسطینی شہید اور 600 زخمی ہو چکے ہیں۔غزہ کی سول ڈیفنس ایجنسی کے مطابق، مغربی علاقے میں اسرائیلی حملوں کے باعث تباہ شدہ عمارت کے ملبے سے مزید 2 فلسطینیوں کی لاشیں نکال لی گئی ہیں، اور خان یونس سمیت دیگر علاقوں میں ریسکیو آپریشن جاری ہے۔ اس صورت حال کے مطابق، غزہ میں شہید ہونے والے فلسطینیوں کی مجموعی تعداد 68,858 اور زخمیوں کی تعداد 1,70,664 ہو چکی ہے۔
ادھر، مغربی کنارے میں بھی اسرائیلی فوج کی کارروائیاں جاری ہیں، جہاں گھر گھر تلاشی کے دوران 21 فلسطینیوں کو گرفتار کیا گیا ہے، جن میں بچے بھی شامل ہیں۔اسرائیلی فوج کی لبنان کے ساتھ سرحد پر بھی خلاف ورزیاں جاری ہیں، جہاں جنوبی لبنان میں کار پر ڈرون حملہ کیا گیا، جس کے نتیجے میں 4 افراد شہید ہو گئے۔
