جمائما کو برطانیہ میں تیز رفتاری پر ایک ہزار پائونڈ جرمانہ

لندن(آئی این پی )بانی تحریک انصاف  عمران خان کی سابقہ اہلیہ جمائما پر برطانیہ میں ایک  ہزار پائونڈ کا جرمانہ عائد کیا گیا ہے۔ غیرملکی خبررساں ادارے  کے مطابق جمائما  کو تیز رفتاری پر 1 ہزار پاونڈ یعنی 3 لاکھ 76 ہزار سے زائد پاکستانی روپے کا جرمانہ کیا گیا ہے۔رپورٹ کے مطابق جمائما نے اپنے نام رجسٹرڈ کار حد رفتار سے تیز چلائے جانے پر پولیس خط کا جواب نہیں دیا تھا۔اس معاملے پر انہوں نے موقف اختیار کیا کہ گھر میں تزئین و آرائش کا کام جاری تھا، پولیس کا خط بلڈر سے گم ہوگیا۔انہوں نے  کہا کہ اکتوبر تک مجھے پولیس کے خط کا علم ہی نہیں تھا، جیسے ہی خط ملا فارم بھر کر بھیج دیا تھا، کار بلڈر چلا رہا تھا، قصور وار مجھے ٹھہرا دیا گیا