واشنگٹن میں امریکی صدر ڈونلڈ ٹرمپ پر قاتلانہ حملے کے بعد منسوخ کیا گیا وائٹ ہاؤس پریس ڈنر دوبارہ منعقد کرنے کا اعلان کر دیا گیا ہے۔ یہ تقریب اب 24 جولائی کو ہوگی جس میں صدر ٹرمپ کی شرکت بھی متوقع ہے۔
امریکی میڈیا رپورٹس کے مطابق صدر ڈونلڈ ٹرمپ نے تقریب میں شرکت کی دعوت قبول کر لی ہے۔ یہ سالانہ تقریب صحافیوں اور میڈیا نمائندوں کے اعزاز میں منعقد کی جاتی ہے اور امریکی سیاسی و میڈیا حلقوں میں اہم حیثیت رکھتی ہے۔صدر ٹرمپ نے اپنے بیان میں کہا کہ وہ کسی بھی “پاگل عناصر” کو اپنی روزمرہ سرگرمیوں یا شیڈول میں تبدیلی کی اجازت نہیں دیں گے اور حکومتی و عوامی تقریبات معمول کے مطابق جاری رہیں گی۔تقریب واشنگٹن میں پنسلوانیا ایونیو پر واقع والڈورف آسٹوریا کے بال روم میں منعقد ہوگی۔ Waldorf Astoria Washington DC کو اس ایونٹ کی میزبانی کے لیے منتخب کیا گیا ہے۔
یاد رہے کہ سکیورٹی خدشات کے باعث یہ پریس ڈنر پہلے منسوخ کر دیا گیا تھا، تاہم اب اس کی بحالی کو انتظامی اعتماد اور معمول کی سرگرمیوں کی واپسی کے طور پر دیکھا جا رہا ہے۔ White House Correspondents' Dinner کے طرز کی یہ تقاریب امریکی سیاسی کلچر میں نمایاں مقام رکھتی ہیں۔
