خاتون کا قتل، شوہر اور دیور نے طبعی موت قرار دیکر تدفین بھی کردی

میت کو غسل دینے والی خاتون نے تشدد کے نشان دیکھے تو اہل محلہ کو آگاہ کیا
مجسٹریٹ کی منظوری کے بعد میڈیکل بورڈ لاش کا پوسٹ مارٹم کرے گا، پولیس
سرگودھا(آئی این پی )سرگودھا کے گائو ں تنکی والا میں خاتون کو شوہر اور اس کے  بھائی نے قتل کردیا۔پولیس کے مطابق ملزمان نے طبعی موت قرار دے کر تدفین بھی کر دی تھی، میت کو غسل دینے والی خاتون نے گلے پرتشدد کے نشان دیکھے اور اہل محلہ کو آگاہ کیا۔پولیس نے ملزمان کو گرفتار کرکے مقدمہ درج کرلیا ہے۔پولیس کا کہنا ہے کہ مجسٹریٹ کی منظوری کے بعد میڈیکل بورڈ لاش کا پوسٹ مارٹم کرے گا اور پوسٹ مارٹم رپورٹ کے مطابق مزید قانونی کارروائی عمل میں لائی جائے گی۔