نیہر سچدیوا، جو ایک بھارتی نژاد برطانوی شہری ہیں، نے اپنی شادی کے دوران ایک جرات مندانہ اقدام کیا جس کی وجہ سے وہ سوشل میڈیا پر وائرل ہو گئیں۔
نیہر نے شادی کے موقع پر شاندار سرخ لہنگا پہنا تھا، اور جب وہ دُلہے کے قریب پہنچی، تو انہوں نے اپنا دوپٹہ ہٹا دیا اور فخریہ انداز میں اپنا گنجا سر دکھایا۔ اس ویڈیو نے سوشل میڈیا پر دھوم مچائی اور ہزاروں افراد نے ان کے اعتماد اور خوبصورتی کی تعریف کی۔نیہر سچدیوا کی اس حرکت نے ان خواتین کے لیے ایک اہم پیغام دیا ہے جو ایلوپیشیا جیسے بالوں کے جھڑنے کی بیماری کا سامنا کر رہی ہیں۔ نیہر کو چھ ماہ کی عمر میں ایلوپیشیا کی تشخیص ہوئی تھی، جو ایک ایسی حالت ہے جس میں بالوں کا جھڑنا شروع ہو جاتا ہے، یہ عارضی یا مستقل ہو سکتا ہے اور جسم یا سر کے کسی حصے کو متاثر کر سکتا ہے۔ نیہر نے اپنی شادی کے دن اپنی بیماری کو چھپانے کے بجائے اس کو فخر کے ساتھ ظاہر کیا، جس نے دیگر گنجی خواتین کو ایک اعتماد دیا کہ وہ اپنے آپ کو قبول کریں اور معاشرتی توقعات کے برخلاف اپنے آپ کو سجائیں۔ویڈیو میں نیہر کی یہ خوداعتمادی اور جرات مندی نے سوشل میڈیا پر ہزاروں لوگوں کو متاثر کیا ہے۔ لوگ نیہر کو ایک رول ماڈل سمجھتے ہیں اور ان کے اس اقدام کو خواتین کے حقوق اور خود اعتمادی کی ایک اہم مثال کے طور پر دیکھ رہے ہیں۔
