پاکستان تحریک انصاف (پی ٹی آئی) کے سینیٹر شبلی فراز کی نااہلی کے بعد ان کی خالی نشست پر ضمنی الیکشن 30 اکتوبر کو منعقد ہوگا۔
الیکشن کمیشن نے اس ضمن میں نوٹیفکیشن جاری کیا ہے، جس کے مطابق کاغذات نامزدگی 8 اور 9 اکتوبر کو جمع کرائے جا سکتے ہیں۔اسی طرح فیصل آباد کی پی پی 115 اور 116 کی نشستوں پر ضمنی الیکشن 23 نومبر کو ہوں گے۔ ان نشستوں کے لیے کاغذات نامزدگی 15 اکتوبر تک جمع کرائے جا سکتے ہیں۔ یہ نشستیں شاہد جاوید اور محمد اسماعیل کی نااہلی کے بعد خالی ہوئی تھیں۔مزید برآں، مظفر گڑھ کی پی پی 269 کی نشست پر بھی ضمنی الیکشن 23 نومبر کو منعقد ہوں گے۔ پی پی 269 کے لیے کاغذات نامزدگی 13 تا 15 اکتوبر کے درمیان جمع کرائے جا سکتے ہیں۔
الیکشن کمیشن کے نوٹیفکیشن کے مطابق، یہ انتخابات خالی نشستوں پر آئینی تقاضوں کے تحت منعقد کیے جا رہے ہیں اور تمام امیدوار مقررہ مدت میں کاغذات نامزدگی جمع کرائیں گے۔
