ویب ڈیسک: اسپیس ایکس نے فلوریڈا کے کیپ کیناویرل اسپیس فورس اسٹیشن سے 28 وی ٹو انٹرنیٹ سیٹلائٹس کو زمین کے نچلے مدار میں کامیابی سے روانہ کردیا ہے۔
یہ سیٹلائٹس زمین کے نچلے مدار میں پہلے سے موجود تقریباً 7,300 سیٹلائٹس کا حصہ بنیں گے۔
تفصیلات کے مطابق:
پے لوڈ لے جانے والا فالکن 9 راکٹ شام 6:51 کے بعد روانہ کیا گیا۔ راکٹ کا پہلا اسٹیج ایندھن بوسٹر تقریباً 8 1/2 منٹ بعد بحر اوقیانوس میں تعینات ڈرون شپ پر کامیابی سے اُتر آیا۔فالکن 9 راکٹ کا پہلا اسٹیج بوسٹر، جسے دوبارہ قابل استعمال بنایا گیا ہے، ٹیل نمبر 1080 کے ساتھ 18 واں مشن تھا۔ اس بوسٹر نے قبل ازیں بین الاقوامی خلائی اسٹیشن کی فراہمی، دو کارگو مشنز اور یورپی خلائی ایجنسی کی یوکلڈ آبزرویٹری کے لیے خلائی مشن شروع کیے ہیں۔اسپیس ایکس کا یہ لانچ 440 واں موقع تھا جب دوبارہ قابل استعمال ایندھن کے بوسٹر کو استعمال کیا گیا، اور یہ اسپیس ایکس کا مجموعی طور پر 468 واں لانچ تھا، جو اس سال کا 51 واں لانچ تھا۔
پروجیکٹ کا مقصد:
یہ 28 وی ٹو سیٹلائٹس اسپیس ایکس کی وی ٹو انٹرنیٹ سروس کے حصے کے طور پر خلا میں بھیجے گئے ہیں، جو دنیا بھر میں تیز اور کم قیمت انٹرنیٹ خدمات فراہم کرنے کی کوشش میں ہے۔اس کامیاب لانچ نے ایک اور سنگ میل عبور کیا ہے، جو اسپیس ایکس کی خلائی مہمات میں مسلسل کامیابی کو ظاہر کرتا ہے۔
