وزیراعلیٰ مریم نواز شریف نے کہا کہ پاکستان کے ہر صوبے کی ثقافت قابل احترام اور ملک کی پہچان ہے۔
ان کے الفاظ میں:"پھول الگ سہی لیکن گلدستہ ایک ہے، بلوچ ثقافت بہت دلکش ہے۔ باوقار سفید پگڑی، بلوچی کڑھائی سے مزین ملبوسات اور بلوچی رقص ہر دل کو بھاتے ہیں۔"
مریم نواز نے بلوچ ثقافت کی خوبصورتی اور روایت کی تعریف کرتے ہوئے کہا کہ یہ ثقافت پاکستان کی یکجہتی اور تنوع کی علامت ہے۔انہوں نے اپنے دورہ کوئٹہ کے دوران وہاں کی شاندار میزبانی اور دلفریب ثقافت کو دل موہ لینے والا قرار دیا۔یہ دورہ بلوچ ثقافت کے دن کے موقع پر کیا گیا تاکہ صوبائی ثقافت کو اجاگر کیا جا سکے اور صوبے اور وفاق کے درمیان ثقافتی ہم آہنگی کو فروغ دیا جا سکے۔
