بھارت کے سن ٹی وی نیٹ ورک پر مبینہ سائبر حملے کے بعد اس کی نشریات عارضی طور پر متاثر ہونے کی اطلاعات سامنے آئی ہیں۔
رپورٹس کے مطابق حملہ آوروں نے نیٹ ورک کے براڈکاسٹ مینجمنٹ سسٹم تک بھی رسائی حاصل کرنے کا دعویٰ کیا ہے۔اطلاعات کے مطابق سائبر حملے کے نتیجے میں سن ٹی وی کے مختلف ٹیلی وژن چینلز کی نشریات کچھ وقت کے لیے متاثر ہوئیں۔رپورٹس میں یہ بھی دعویٰ کیا گیا ہے کہ حملہ آوروں نے نشریات کے دوران اسکرین پر پاکستانی پرچم اور "پاکستان ہمیشہ زندہ باد" کا بینر بھی نشر کیا۔مزید دعویٰ کیا گیا ہے کہ حملہ آوروں نے رینسم ویئر حملے کے ذریعے تقریباً 1800 ڈومین سسٹمز کو بھی لاک کر دیا۔
تاہم ان دعوؤں کی آزاد ذرائع سے تصدیق نہیں ہو سکی ہے، جبکہ سن ٹی وی نیٹ ورک یا بھارتی حکام کی جانب سے اس خبر کے حوالے سے تاحال کوئی باضابطہ بیان سامنے نہیں آیا۔سائبر سیکیورٹی ماہرین کا کہنا ہے کہ اگر یہ دعوے درست ثابت ہوتے ہیں تو یہ واقعہ نشریاتی اداروں کے سائبر تحفظ اور ڈیجیٹل سیکیورٹی کے حوالے سے اہم سوالات کو جنم دے سکتا ہے۔
