ایران جنگ ہماری نہیں، کسی صورت شامل نہیں ہوں گے:برطانوی وزیراعظم

 ایران جنگ کے اثرات ہمارے مستقبل کو متاثر کریں گے ‘کتنا ہی دبا ئوکیوں نہ ہو، ہمیں اپنے ملک کے مفاد میں فیصلہ کرنا ہے: کئیر اسٹارمر 
لندن(آئی این پی )برطانیہ کے وزیراعظم کئیر اسٹارمر نے ایک بار پھر واضح کیا ہے  کسی صورت برطانیہ مشرق وسطی جنگ میں شامل نہیں ہوگا۔لندن میں پریس کانفرنس کرتے ہوئے برطانوی وزیراعظم کئیر اسٹارمر کا کہنا تھا ایران امریکا جنگ ہماری نہیں، اس میں کسی صورت شامل نہیں ہوں گے۔انہوں نے خبردار کیا کہ ایران جنگ کے اثرات ہمارے مستقبل کو متاثر کریں گے اس لیے ہم برطانیہ کو اس جنگ میں گھسیٹنے کی اجازت نہیں دیں گے، ہم آنے والی نسلوں کو محفوظ ملک دینا چاہتے ہیں۔ایک سوال کے جواب میں برطانوی وزیراعظم کا کہنا تھا آبنائے ہرمز کھلوانے کے لیے فارن سیکرٹری ییٹی کوپر سیاسی اور سفارتی اقدامات کے لیے کام کریں گے اور اس کے لیے وہ بین الاقوامی رہنماں سے ملاقاتیں بھی کریں گے۔امریکی صدر ڈونلڈ ٹرمپ کی جانب سے نیٹو اتحاد سے علیحدگی پر غور کرنے سے متعلق سوال پر برطانوی وزیراعظم کا کہنا تھا کہ چاہے کتنا ہی دبا ئوکیوں نہ ہو، ہمیں اپنے ملک کے مفاد میں فیصلہ کرنا ہے۔