ہربھجن سنگھ نے ٹی ٹوئنٹی ورلڈ کپ کے سیمی فائنلسٹ کی پیش گوئی کر دی

لاہور( سپورٹس ڈیسک)سابق بھارتی اسپنر ہربھجن سنگھ نے 2026 کے ٹی ٹوئنٹی ورلڈ کپ کے سیمی فائنلسٹ کی پیش گوئی کر دی۔اسپنر ہربھجن سنگھ نے 7 فروری سے شروع ہونے والے آئی سی سی مینز ٹی ٹوئنٹی ورلڈ کپ 2026 کے سیمی فائنل میں پہنچنے والی ٹیموں کے لیے اپنی پیش گوئی کی ہے۔قابل ذکر بات یہ ہے کہ ہربھجن نے ہندوستان اور سری لنکا کی مشترکہ میزبانی میں آنے والے ایڈیشن میں تیسرا ٹائٹل جیتنے کے لیے دو بار کے چیمپئن انگلینڈ کو اپنے پسندیدہ کھلاڑیوں میں شامل نہیں کیا۔ہربھجن نے کہا کہ مین ان بلیو یعنی انڈیا مقامی حالات سے نمٹنے کے لیے اچھی طرح سے تیار ہیں تاہم، انہوں نے کہا کہ ان کی کامیابی کا انحصار زیادہ تر توقعات کے دباؤ کو سنبھالنے پر ہوگا۔ہندوستان کے ساتھ ساتھ انہوں نے آسٹریلیا اور جنوبی افریقہ کا انتخاب کیا جب کہ افغانستان کو چوتھی فائنلسٹ ٹیم کے طور پر پیش کیا۔حیران کن طور پر ہربھجن نے دو بار کی سابق چیمپئن ویسٹ انڈیز اور سابق چیمپئن پاکستان کو ٹاپ فور ٹیموں میں شامل نہیں کیا۔ہربھجن نے کہا کہ میرے خیال میں ہندوستان کے پاس [T20] ورلڈ کپ جیتنے کا بہت اچھا موقع ہے کیونکہ وہ ایک بہت مضبوط ٹیم ہے اور وہ گھر پر کھیل رہی ہے وہ حالات کو کسی اور سے بہتر جانتے ہیں۔