محرم الحرام: قربانی، صبر اور حق کی سربلندی کا عظیم پیغام

سید منور علی
محرم الحرام اسلامی سال کا پہلا مہینہ ہے جو نہایت فضیلت، حرمت اور عظمت کا حامل ہے اللہ تعالیٰ نے قرآن کریم میں جن چار مہینوں کو حرمت والا قرار دیا ہے، ان میں محرم بھی شامل ہے یہ مہینہ مسلمانوں کو عبادت، تقویٰ، صبر اور نیکی کی راہ اختیار کرنے کی تلقین کرتا ہے اسی ماہ سے اسلامی نئے سال کا آغاز ہوتا ہے، جو ہمیں اپنے گزشتہ اعمال کا جائزہ لینے اور مستقبل کو بہتر بنانے کا موقع فراہم کرتا ہے محرم الحرام کی سب سے بڑی نسبت میدانِ کربلا سے ہے، جہاں نواسہ رسول حضرت امام حسین ؓور ان کے جانثار ساتھیوں نے دینِ اسلام کی سربلندی اور حق و صداقت کی خاطر عظیم قربانی پیش کی ان کا یہ لازوال کردار رہتی دنیا تک ظلم و جبر کے خلاف ڈٹ جانے، حق کا ساتھ دینے اور باطل کو مسترد کرنے کی روشن مثال ہے واقعہ کربلا صرف ایک تاریخی سانحہ نہیں بلکہ پوری انسانیت کے لیے ایک عظیم درس ہے حضرت امام حسین ؓ نے ثابت کیا کہ عزت کی زندگی حق پر قائم رہنے میں ہے، نہ کہ ظلم کے سامنے سر جھکا دینے میں ان کی استقامت، صبر اور اللہ تعالیٰ پر کامل بھروسہ ہر مسلمان کے لیے مشعلِ راہ ہے محرم الحرام ہمیں اتحاد، اخوت، برداشت اور باہمی احترام کا بھی درس دیتا ہے اس مقدس مہینے میں ہمیں چاہیے کہ فرقہ واریت، نفرت اور انتشار سے دور رہیں اور اسلام کی حقیقی تعلیمات پر عمل کرتے ہوئے محبت، رواداری اور بھائی چارے کو فروغ دیں یہی تعلیمات معاشرے میں امن و استحکام کا ذریعہ بنتی ہیںاس ماہ میں عبادات کا خصوصی اہتمام بھی باعثِ اجر و ثواب ہے بالخصوص یومِ عاشورہ کا روزہ رکھنا سنتِ نبوی ﷺ ہے، جس کی بڑی فضیلت احادیثِ مبارکہ میں بیان ہوئی ہے روزہ، ذکرِ الٰہی، تلاوتِ قرآن، صدقہ و خیرات اور محتاجوں کی مدد جیسے اعمال انسان کی روحانی تربیت کا بہترین ذریعہ ہیںآج کے دور میں امتِ مسلمہ کو حضرت امام حسینؓ کی سیرت اور کردار سے سبق حاصل کرنے کی اشد ضرورت ہے ہمیں اپنی انفرادی اور اجتماعی زندگی میں دیانت، انصاف، سچائی، صبر اور اخلاقِ حسنہ کو اپنانا چاہیے تاکہ ایک پرامن، باوقار اور مضبوط معاشرے کی تشکیل ممکن ہو سکے والدین، اساتذہ، علماء کرام اور سماجی رہنماؤں کی ذمہ داری ہے کہ وہ نئی نسل کو محرم الحرام کی حقیقی روح سے روشناس کرائیں۔ نوجوانوں کو یہ بتایا جائے کہ واقعہ کربلا محض غم کا اظہار نہیں بلکہ حق، عدل، قربانی، استقامت اور کردار کی عظمت کا درس دیتا ہے، جسے اپنی عملی زندگی میں اپنانا ہی اصل پیغام ہے محرم الحرام ہمیں یہ یاد دلاتا ہے کہ حق کی خاطر دی جانے والی قربانی کبھی رائیگاں نہیں جاتی اگر ہم حضرت امام حسینؓ کی تعلیمات، صبر، استقامت اور عدل و انصاف کے اصولوں کو اپنی زندگی کا حصہ بنا لیں تو نہ صرف ہماری انفرادی زندگی سنور سکتی ہے بلکہ ہمارا معاشرہ بھی امن، محبت، اخوت اور ترقی کی راہ پر گامزن ہو سکتا ہے۔