لالی وڈ کے نغمہ نگار الطاف باجوہ کا انتقال ہو گیا ہے، جس کی خبر سے شوبز انڈسٹری میں گہرے دکھ اور افسوس کی لہر دوڑ گئی ہے۔
الطاف باجوہ کافی عرصے سے علیل تھے اور گزشتہ وقت میں ان کی طبیعت ناساز رہی۔ان کی نمازِ جنازہ آج شام 4 بجے ان کی رہائشگاہ اقبال ٹاؤن، بدر بلاک میں ادا کی جائے گی۔الطاف باجوہ نے اپنے کیریئر کے دوران سینکڑوں سپر ہٹ پنجابی گانے تخلیق کیے، جو آج بھی موسیقی کے شائقین میں بے حد مقبول ہیں۔ ان کے انتقال سے لالی وڈ ایک باصلاحیت نغمہ نگار سے محروم ہو گیا ہے، اور مداحوں و فنکار برادری نے گہرے دکھ کا اظہار کیا ہے۔
