اسرائیل نے جنوبی غزہ کی پٹی میں کیرم شالوم کراسنگ کے ذریعے 15 فلسطینی قیدیوں کو رہا کیا، جن میں سے کئی زخمی اور بھوکے حالت میں تھے
میڈیا رپورٹس کے مطابق یہ رہائی اس وقت سامنے آئی ہے جب اسرائیل نے گزشتہ دو سالوں کے دوران غزہ سے ہزاروں فلسطینیوں کو حراست میں رکھا ہے۔ انسانی حقوق کے گروپوں اور دستاویزی شہادتوں سے ثابت ہوا ہے کہ حراست میں لیے گئے افراد کو انسانی بنیادوں پر کم سہولیات فراہم کی جاتی ہیں اور انہیں تشدد، بھوک اور طبی غفلت کا سامنا ہوتا ہے۔ 15 فلسطینی قیدیوں کو کریم شلوم کراسنگ کے ذریعے منتقل کیا گیا اور وہ ریڈ کراس کے ہمراہ سینٹرل انکلیو کے دیر البلاح میں واقع الاقصیٰ شہدا ہسپتال لائے گئے۔ عینی شاہدین کا کہنا ہے کہ رہائی پانے والے قیدی شدید کمزور اور تھکے ہوئے نظر آ رہے تھے، جن میں سے کچھ پر تشدد کے نشانات بھی موجود تھے۔
