خیبر پختونخوا کے ضلع مردان کے علاقے کہوئی برمول میں ایک افسوسناک واقعہ پیش آیا جس میں دو بھائی اپنی جان سے ہاتھ دھو بیٹھے اور ایک شدید زخمی ہوا۔
پولیس کے مطابق واقعہ کھیت میں بکریاں چراتے ہوئے تلخ کلامی کے دوران فائرنگ کے نتیجے میں پیش آیا۔مقتول بھائیوں کی شناخت کر کے لاشیں تحویل میں لے لی گئی ہیں جبکہ زخمی بھائی کو فوری طور پر قریبی اسپتال منتقل کیا گیا ہے۔ پولیس نے واقعے کا مقدمہ درج کر لیا ہے اور ملزمان کی تلاش جاری ہے، جنہیں گرفتار کرنے کے لیے چھاپے مارے جا رہے ہیں۔ایس پی مردان نے کہا کہ عوام کے جان و مال کی حفاظت ہماری اولین ترجیح ہے اور واقعے میں ملوث عناصر کو کسی بھی صورت بخشا نہیں جائے گا۔ پولیس نے علاقے میں سیکورٹی بڑھا دی ہے تاکہ مزید ناخوشگوار واقعے سے بچا جا سکے۔واقعے نے علاقے میں خوف و ہراس پھیلا دیا ہے، اور مقامی لوگ پولیس سے اپیل کر رہے ہیں کہ جلد از جلد ملزمان کو گرفتار کیا جائے تاکہ انصاف ممکن ہو۔
