مسلم لیگ ن کے صدر میاں نواز شریف نے حالیہ ضمنی انتخابات میں کامیابی پر پارٹی کے امیدواروں اور کارکنوں کو دل کی گہرائیوں سے مبارکباد دی ہے۔
اپنے لاہور سے جاری بیان میں انہوں نے کہا کہ یہ کامیابی عوام کے ووٹ اور اعتماد کا ثبوت ہے اور اس سے ثابت ہوتا ہے کہ پاکستانی عوام ترقی، خوشحالی اور ملک کی استحکام کی طرف واپس لوٹنے کے لیے پرعزم ہیں۔نواز شریف نے وزیراعظم شہباز شریف اور وزیراعلیٰ پنجاب مریم نواز کی محنت اور بےلوث خدمت کو سراہتے ہوئے کہا کہ ان کی قیادت میں ملک صحیح سمت میں گامزن ہے۔ انہوں نے مزید کہا کہ عوام نے تشدد، انتشار اور تخریبی سیاست کو مسترد کرتے ہوئے ایک مثبت اور ترقی پسند راستہ اپنایا ہے، جو ملک کے مستقبل کے لیے خوش آئند ہے۔انہوں نے اس کامیابی کو پارٹی کی محنت اور عوام کے اعتماد کی علامت قرار دیتے ہوئے کہا کہ مسلم لیگ ن ملک کے عوام کی خدمت جاری رکھے گی اور ملک کو ترقی کی راہ پر گامزن کرنے کے لیے پرعزم ہے۔
