پاک افغان سرحدی بندش سے افغانستان میں بنیادی اشیا کی قیمتوں میں اضافہ

 قیمتوں میں اضافہ عام لوگوں کیلئے ناقابل برداشت ہوگیا ہے، غریب کیسے گزارا کرے؟عوام کا شدید ردعمل
کوئٹہ(آن لائن)پاکستان کی سرحدی بندش سے افغانستان کو شدید معاشی نقصان کے باوجود افغان طالبان کی ہٹ دھرمی برقرار ہے۔ پاک افغان سرحد کی بندش سے افغان معیشت پر منفی اثرات نمایاں ہو رہے ہیں جس پر افغان عوام نے شدید ردعمل دیا ہے۔افغان نشریاتی ادارہ آمو ٹی وی کے مطابق پاکستان سے سرحدی بندش سے افغانستان میں بنیادی اشیا کی قیمتیں غیرمعمولی حد تک بڑھ گئیں۔افغان حکومت کو شدید تنقید کا نشانہ بناتے ہوئے افغان عوام کا کہنا تھا کہ قیمتوں میں اضافہ عام لوگوں کیلئے ناقابل برداشت ہوگیا ہے، بنیادی غذائی اشیا اب عام آدمی کی پہنچ سے باہر ہیں، غریب کیسے گزارا کرے؟افغان چیمبر آف کامرس کے مطابق ہر ماہ سرحد کی بندش سے تقریبا 200 ملین ڈالر کا نقصان ہو سکتا ہے،