ٹیکساس ، ٹرک الٹنے سے 20 لاکھ شہد کی مکھیاں آزاد ، علاقے میں پھیل گئیں

 شہریوں کو خبردار کیا گیا  ہے کہ وہ مکھیوں کی منتقلی مکمل ہونے تک گھروں کے اندر رہیں: ایمرجنسی سروسز
واشنگٹن(آئی این پی )امریکی ریاست ٹیکساس میں ایک ٹرک حادثے کے نتیجے میں تقریبا 20 لاکھ شہد کی مکھیاں ازاد ہو کر فضا میں پھیل گئیں، جس کے بعد حکام نے قریبی آبادی کے رہائشیوں کو گھروں میں رہنے کی ہدایت جاری کر دی۔مقامی حکام کے مطابق واقعہ  اورنج کائو نٹی میں پیش آیا، جہاں ایک 18 ویلر ٹرک موڑ کاٹتے ہوئے الٹ گیا۔ ٹرک میں تقریبا 50 ہزار پانڈ وزنی شہد کی مکھیاں موجود تھیں، جن کی تعداد لگ بھگ 20 لاکھ بتائی گئی ہے۔ حادثے میں ٹرک ڈرائیور محفوظ رہا تاہم ٹرک الٹنے کے بعد بڑی تعداد میں مکھیاں علاقے میں پھیل گئیں۔واقعے کے بعد مقامی شہد کی مکھیوں کے ماہرین کو موقع پر طلب کیا گیا، جنہوں نے مکھیاں جمع کرنے اور انہیں محفوظ طریقے سے قریبی شہد فارم منتقل کرنے کی کوششیں شروع کر دیں۔ سوشل میڈیا پر شیئر کی گئی تصاویر میں متعدد بی کیپرز کو امدادی کارروائیوں میں حصہ لیتے دیکھا گیا۔اورنج کانٹی ایمرجنسی سروسز نے شہریوں کو خبردار کیا کہ وہ مکھیوں کی منتقلی مکمل ہونے تک گھروں کے اندر رہیں اور غیر ضروری طور پر متاثرہ علاقے کا رخ نہ کریں۔