پاکستان کا دورہ مشکل تھا، جیت سے ٹیم کا اعتماد بڑھا:ر بادا

جنوبی افریقی فاسٹ بولر کگیسو ربادا نے پاکستان میں سیریز جیتنے کو اپنی ٹیم کے اعتماد کا سبب قرار دیا ہے۔

 راولپنڈی میں میچ کے بعد پریس کانفرنس میں انہوں نے کہا کہ پاکستان کا دورہ آسان نہیں تھا اور یہاں کے اسپنرز کا کھیل ہمیشہ مشکل ہوتا ہے۔ ربادا نے بتایا کہ برصغیر میں ٹیسٹ میچ جیتنا ایک بڑی کامیابی ہے، کیونکہ یہاں ٹاس بہت اہم ہوتا ہے اور عوام کا جوش بھی عروج پر ہوتا ہے۔انہوں نے کہا کہ راولپنڈی کا میدان خاص طور پر خوبصورت تھا اور پچز بہت اچھی تیار کی گئی تھیں، جس سے بولرز کو زیادہ فائدہ ہوا۔ ان کا کہنا تھا کہ ٹیم کی جیت سب سے اہم ہے اور جنوبی افریقی ٹیم نوجوان کھلاڑیوں پر مشتمل ہے، جس کے لئے یہ سیریز جارحانہ کرکٹ کھیلنے کا ایک اچھا موقع تھی۔

کگیسو ربادا نے یہ بھی کہا کہ پاکستان کا دورہ ان کے لئے خاص اور یادگار تھا، اور انہوں نے اس سیریز کو بہترین اسپنرز کے ساتھ کھیلنے کا تجربہ قرار دیا۔ اس سیریز سے ٹیم کے اعتماد میں اضافہ ہوا ہے اور یہ فتح جنوبی افریقی ٹیم کے لئے ایک مثبت نشان ہے۔