پاکستان نے یواے ای میں قید 4 ہزار 700 پاکستانیوں کے پاسپورٹ بلاک کردیے

اسلام آباد(آن لائن)حکومت پاکستان نے متحدہ عرب امارات میں قید 4 ہزار 700 پاکستانیوں کے پاسپورٹ بلاک کردیے۔ ذرائع کے مطابق متحدہ عرب امارات میں کل پانچ ہزار 292 پاکستانی مختلف جرائم میں قید ہیں۔متحدہ عرب امارات کی جانب سے حکومت؛پاکستان کو جرائم کی تفصیل فراہم کی گئی، حکومت نے بڑے جرائم میں ملوث پاکستانی شہریوں کے پاسپورٹ بلاک کرنے کا فیصلہ کیا تھا، یو اے ای میں منشیات کے جرائم میں ملوث 2,470 افراد کے پاسپورٹ بھی بلاک کیے گئے ہیں۔ذرائع کے مطابق فراڈ، دھوکا دہی اور جنسی ہراسانی میں ملوث 100 پاکستانیوں کے پاسپورٹ بھی بلاک،چوری کے جرم میں یو اے ای میں قید 704 پاکستانیوں کے پاسپورٹ بھی بلاک کیے گئے۔قتل اور راہزنی میں ملوث 216 پاکستانی شہریوں کے پاسپورٹ بھی بلاک کیے گئے ۔ غیر قانونی طور پر یو اے ای میں رہائش پذیر 375 پاکستانیوں کے پاسپورٹ بھی بلاک کیے گئے ہیں۔