لندن: پاکستانی کرکٹر عماد وسیم کی سابق اہلیہ اور سوشل میڈیا انفلوئنسر ثانیہ اشفاق نے دعویٰ کیا ہے کہ عماد وسیم اپنے بچوں سے ملاقات نہیں کرتے اور بچوں کی پرورش سمیت تمام ذمہ داریاں وہ خود نبھا رہی ہیں۔
حال ہی میں برطانیہ میں ایک تقریب کے دوران صحافی نے ثانیہ اشفاق سے سوال کیا کہ کیا عماد وسیم اپنے بچوں کی دیکھ بھال کرتے ہیں؟ اس پر ثانیہ اشفاق نے جواب دیا کہ عماد وسیم بچوں سے ملاقات نہیں کرتے اور وہ خود ہی ان کی تمام ضروریات اور ذمہ داریوں کو پورا کر رہی ہیں۔
نومبر 2025 میں آخری ملاقات کا دعویٰ
ثانیہ اشفاق کے مطابق عماد وسیم نے آخری مرتبہ نومبر 2025 میں اپنے بچوں سے ملاقات کی تھی، جب وہ اپنے نومولود بیٹے زایان کو دیکھنے آئے تھے۔ ان کا دعویٰ ہے کہ اس ملاقات کے بعد عماد وسیم نے نہ بچوں سے ملاقات کی اور نہ ہی ان سے بات چیت کی۔ثانیہ اشفاق نے مزید کہا کہ وہ اپنی زندگی میں آگے بڑھ چکی ہیں اور اپنے بچوں کی بہتر انداز میں پرورش کرنے کی صلاحیت رکھتی ہیں۔ ان کے بیان سے ظاہر ہوتا ہے کہ وہ بچوں کی دیکھ بھال اور تربیت کی ذمہ داریاں خود سنبھال رہی ہیں۔
عماد وسیم اور ثانیہ اشفاق کی طلاق
واضح رہے کہ عماد وسیم اور ثانیہ اشفاق کے درمیان 2025 میں طلاق ہوگئی تھی۔ اس کے بعد کرکٹر نے سوشل میڈیا انفلوئنسر نائلہ راجہ سے شادی کرلی تھی۔
