پہلے مدارس سے سائنسدان نکلتے تھے، اب ان کا اسٹیٹس بدل گیا ہے:وزیراعلیٰ سندھ

وزیراعلیٰ سندھ مراد علی شاہ نے احسن آباد میں فیملی پارک بنانے کا اعلان کیا ہے، جس کے لیے جامعۃ الرشید نے 6500 گز زمین دینے کا فیصلہ کیا ہے۔

وزیراعلیٰ سندھ نے جامعۃ الرشید کے سالانہ کنونشن سے خطاب میں کہا کہ مدارس نے اسلامی تاریخ میں اہم کردار ادا کیا ہے اور دنیا کے ابتدائی سائنسدان، مفکر اور تاریخ دان مدارس سے ہی پیدا ہوئے۔ انہوں نے مدارس کی تعلیم کو عملی زندگی سے جوڑنے کی ضرورت پر زور دیا اور خوشی کا اظہار کیا کہ جامعۃ الرشید میں دینی اور عصری تعلیم کو ایک ساتھ دیکھا جا رہا ہے۔کنونشن میں انہوں نے احسن آباد میں فیملی پارک کے قیام کا اعلان کیا، جس کے لیے جامعۃ الرشید نے پارک کی تعمیر کے لیے 6500 گز زمین فراہم کرنے کی یقین دہانی کرائی۔